വാൻഗോഗ് ,കാഫ്ക
എം.കെ. ഹരികുമാർ
ആകാശത്തിലെ നക്ഷത്രങ്ങൾ,
വാൻഗോഗിൻ്റെ
'സ്റ്റാറി നൈറ്റി'ലെ പോലെ
ഭ്രാന്തുപിടിച്ച്
വ്യഥിതരായി
പ്രകാശം വർഷിക്കുന്നുണ്ടെങ്കിൽ, അതു വഴിയറിയാതെ
നട്ടംതിരിയുന്ന
കാഫ്കയുടെ
കഥാപാത്രങ്ങളെപ്പോലെ ജീവിക്കുന്നവർക്ക് വേണ്ടിയാവും.
ഭൂമിയിലെ ദാരിദ്ര്യവും
ദുരിതവും
അനാഥത്വവും
ഇരുട്ടും കണ്ട്
അപസ്മാരത്തിലേക്ക്
വീണ നക്ഷത്രങ്ങളുണ്ട്.
അവയ്ക്ക് ഉറക്കമില്ല.
ഭൂമിയിലെ ഇരുട്ടിൽ
തപ്പിത്തടയുന്ന ഹതഭാഗ്യർക്ക്
ഇത്തിരി പ്രകാശമെത്തിക്കാനാണ്
ഈ നക്ഷത്രങ്ങളുടെ ഓട്ടം.
No comments:
Post a Comment