Van Gogh, Kafka
M K Harikumar
Translation: Prameela Tharavath
Stars in the sky
Of Van Gogh
Insane,
Grief stricken,
As in the 'Starry Night'
If the light is sprinkled
It’s for those who live
Off their tracks
Bemused at the juncture
Like the characters of Kafka
The poverty in the earth,
Misery,
And orphanage
Engulfed in darkness,
Epileptic the stars became
They have no sleep
As they strive hard to shower
Some beams of light
For the unfortunate men at misery
In the dark earth.
ഗസ്റ്റ് എഡിറ്റോറിയൽ
ഒരേയൊരു കോളമിസ്റ്റ് ,
വാക്കുകളുടെ മഴ ,
വെളിപാട്
രാജേന്ദ്രൻ നിയതി
അഭിധ എന്ന സാഹിത്യ സംഘടനയുടെ ഒരു പരിപാടി 2018ആഗസ്റ്റ് മാസം രണ്ടാം വാരത്തോടെ ആറ്റിങ്ങലിൽ വച്ച് നടക്കുമ്പോഴാണ് ഞാൻ എം.കെ.ഹരികുമാറിനെ ആദ്യമായി നേരിട്ടു കാണുന്നത്.അന്നവിടെ അദ്ദേഹത്തിൻ്റെ ജലഛായ,ശ്രീനാരായണായ,വാൻഗോഗിന് എന്നീ കൃതികൾ ചർച്ചയ്ക്കുവയ്ക്കുകയുണ്ടായി.പുറത്ത് മഴ ശക്തമായി പെയ്തുകൊണ്ടിരുന്നു.കേരളത്തിലെ പ്രളയത്തിൻ്റെ ആരംഭമായിരുന്നു ആ മഴയെന്ന് നാമാരും അന്ന് അറിഞ്ഞിരുന്നില്ല.അക്ഷരജാലകത്തിലൂടെ ഹരികുമാർ എനിക്ക് ചിരപരിചിതനായിരുന്നു.ആറ്റിങ്ങലിൽ വച്ച് അദ്ദേഹവുമായി പരിചയപ്പെടുമ്പോൾ മുതിർന്ന ഒരു എഴുത്തുകാരൻ എന്ന നാട്യങ്ങളൊന്നുമില്ലാതെ സാധാരണമാം വിധം എന്നോട് സംസാരിക്കുകയുണ്ടായി.
 |
| രാജേന്ദ്രൻ നിയതി |
ചർച്ചയ്ക്കുള്ള മറുപടിയിൽ തൻ്റെ നവാദ്വൈത സിദ്ധാന്തവും ,സ്യൂഡോറിയലിസവും ചുരുങ്ങിയ വാക്കുകളിൽ ഹരികുമാർ വിവരിച്ചു.പുസ്തകാവതാരകർക്കാർക്കും അദ്ദേഹത്തിൻ്റെ കൃതികളിലെ ആഴം കണ്ടെത്താൻ സാധിച്ചില്ല എന്ന ബോധം വളരെക്കാലം അലട്ടിക്കൊണ്ടിരുന്നു.ഈ ചർച്ചയ്ക്കു ശേഷമാണ് ശ്രീനാരായണ എന്ന നോവൽ ഞാൻ വായിക്കുന്നത്."സത്യം എപ്പോഴും നമ്മോടൊപ്പം സ്ഥിരമായിരിക്കില്ല.അത് നമ്മളിൽ നിലനിൽക്കാത്തത് ,നാം ഓരോ മാത്രയും നമ്മിൽ നിന്നുതന്നെ മാഞ്ഞുപോകുന്നതുകൊണ്ടാണ്." തുടങ്ങിയ പ്രവാചക സ്വഭാവമുള്ള രചനാരീതി മലയാളത്തിൽ അന്യമാണ്.കാലഭേദങ്ങളുടെ കൊടുങ്കാറ്റിനപ്പുറം നിലയുറപ്പിക്കാൻ കഴിയുന്ന കരുത്ത് ഈ നോവലിനുണ്ട്.സാമ്പ്രദായിക നോവൽ വായനയിലൂടെ സമീപിക്കുമ്പോൾ ശ്രീനാരായണയിലെ പ്രകൃതി പ്രതിഭാസങ്ങൾ ചേതനാരഹിതമാണെന്നും എനിക്ക് ബോധ്യപ്പെട്ടു.1990 കൾ മുതൽ ഹരികുമാർ രൂപപ്പെടുത്തിയതും ഒരു ദശാബ്ദം കൊണ്ട് സിദ്ധാന്തവത്കരിച്ചതുമാണ് നവാദ്വൈതം.
ആറ്റിങ്ങലിൽ ചർച്ച ചെയ്ത മൂന്ന് കൃതികളിലും നമ്മുടെ സംസ്കാരത്തിനകത്ത് ഒരു വ്യാജ ചരിത്രം സൃഷ്ടിച്ച് അതിലൂടെ യഥാർത്ഥ്യത്തെ അന്വേഷിക്കുക ആയിരുന്നു.ഈ കൃതികളിലെ സ്യൂഡോറിയലിസം ഇപ്രകാരമാണ് പ്രവർത്തിച്ചിട്ടുള്ളത്.ജലഛായ, ശ്രീനാരായണായ,വാൻഗോഗിന് എന്നീ നോവലുകൾ വാക്കുകളെ ആഗിരണം ചെയ്ത് ഇതര വാക്കുകളുമായി കൂട്ടിയോജിപ്പിച്ച് പുതിയ അർത്ഥ തലം സൃഷ്ടിക്കുകയാണ്."നവാദ്വൈതത്തെ ആഗിരണം എന്നു വിളിക്കാം.മറ്റൊന്നിനെ വലിച്ചെടുത്ത് പുതുക്കുക എന്ന അർത്ഥത്തിൽ" എന്ന് ഹരികുമാർ എഴുതിയത് ഇതുമൂലമാണ്.അതിനു ശേഷമാണ് ഹരികുമാറിൻ്റെ കൃതികൾ തേടിപ്പിടിച്ച് ഞാൻ വായിക്കാൻ തുടങ്ങിയത്.അതിൽ ആത്മായനങ്ങളുടെ ഖസാക്ക് എന്നെ ഏറെ സ്വാധീനിച്ചു.വിമർശനത്തിൻ്റെ വേറിട്ടൊരു വഴി ഈ ഗ്രന്ഥത്തിലുടനീളം കാണാം.വിജയനിലെ പ്രകൃതി പ്രതിഭാസം നവാദ്വൈതം പൂണ്ട് ആത്മായനങ്ങളുടെ ഖസാക്കിൽ വിരിയുകയാണ്.നവാദ്വൈതം വിജയൻ്റെ നോവലുകളിലൂടെ എന്ന കൃതി നവാദ്വൈതത്തെ സിദ്ധാന്തപരമായി സ്ഥായി ആക്കുന്നു.
നവാദ്വൈതം തത്ത്വവും
എന്നെ ചീഫ് എഡിറ്ററായി നിയോഗിച്ച ഫയർസർവ്വീസസ് എന്ന മാസിക ഇക്കാലത്ത് പ്രവർത്തിച്ച് വരികയായിരുന്നു.ഒരു സംഘടനയുടെ പ്രസിദ്ധീകരണം ആണെങ്കിലും സാഹിത്യത്തിന് ഏറെ പ്രാധാന്യം നൽകി പ്രവർത്തിക്കുന്ന ഈ മാസികയിൽ ഹരികുമാറിനെ പോലെ ഉന്നതരായ സാഹിത്യകാരൻമാർ എഴുതുമോ എന്ന ആശങ്ക എന്നിലുണ്ടായെങ്കിലും ആദ്യ സമീപനത്തിൽ തന്നെ അദ്ദേഹം സ്ഥിരമായ ഒരു പംക്തി കൈകാര്യം ചെയ്യാമെന്ന് സമ്മതിക്കുക ഉണ്ടായി.നവാദ്വൈതം തത്ത്വവും പ്രയോഗവും എന്ന ശീർഷകത്തിൽ പതിനാറ് ലക്കങ്ങൾ ഇപ്പോൾ പിന്നിട്ടിരിക്കുന്നു.ചോദ്യോത്തര രൂപേണ ക്രമപ്പെടുത്തിയ സാഹിത്യ സംവാദം ചുരുങ്ങിയ സമയത്തിനകത്തു വച്ചുതന്നെ സാഹിത്യ പ്രേമികളുടെ ഇടയിൽ സ്ഥാനം പിടിച്ചു.
"ഒരെഴുത്തുകാരൻ ആദ്യ കൃതി തൊട്ട് നിരസിച്ചുകൊണ്ടിരുന്നാലേ പുതിയ മേഖലകളിലേക്ക് നീങ്ങാനൊക്കു.എഴുത്തുകാരൻ തൻ്റെ ആദ്യ കൃതിയുടെ തടവറയിൽ കിടക്കേണ്ടതില്ല.അയാൾ ഉള്ളിൽ അനേകം വൈരുദ്ധ്യങ്ങളെ നേരിടുന്നുണ്ടാകും.ചിന്തിക്കുന്ന വ്യക്തിക്ക് എല്ലാറ്റിനും ഉത്തരം ഉണ്ടാകണമെന്നില്ല.ഉത്തരമില്ല എന്ന് തിരിച്ചറിയുന്നത് വലിയ അറിവാണ്.എല്ലാം പരിഹരിക്കാനല്ല ഒരാൾ എഴുതുന്നത്."എന്ന് ഹരികുമാർ എഴുത്തുകാർക്ക് സ്പഷ്ടത നൽകുന്നു.
നവാദ്വൈത സിദ്ധാന്തം എഴുത്തിനെയും വായനയെയും നവീകരിക്കുന്നു."ഭാവനയുടെ ചതുപ്പുനിലങ്ങളാണ് എവിടെയുമുള്ളത്.കണ്ടും കേട്ടും മടുപ്പിച്ച കാര്യങ്ങൾ പിന്നെയും പിന്നെയും ഉപയോഗിക്കുന്നത് ഒരു ക്രൂരതയാണ് " എന്നത് എഴുത്തുകാർക്കുള്ള താക്കീതാണ്.നവ മാധ്യമങ്ങളെ സാഹിത്യവുമായി കൂട്ടിയിണക്കി ചർച്ചയ്ക്കു വിധേയമാക്കിയ മറ്റൊരു വിമർശകൻ ഉണ്ടാകാനിടയില്ല."
ഫെയ്സ് ബുക്ക് ഒരു മാധ്യമവും കലയുമാണ്.ഒരാൾ എന്തെങ്കിലും പറയുകയോ എഴുതുകയോ ചെയ്യുന്നതോടെ അയാൾക്ക് ഇൻ്റർ നെറ്റ് അധിഷ്ഠിത മേഖലയിൽ വലിയ പരിവേഷം കിട്ടുകയായി.സോഷ്യൽ മീഡിയയും വാട്സ് ആപ്പ് ഗ്രൂപ്പുകളും ട്വിറ്റർ,ഇൻസ്റ്റഗ്രാം പോലുള്ള ഷെയറിംഗ് സൈറ്റുകളും മനുഷ്യന് കലാകാരൻ്റെ മുഖം നൽകുന്നുണ്ട്.ഇവിടെയൊന്നും ഫ്യൂഡൽ മാധ്യമ പ്രഭുക്കളോ ഉച്ചനീചത്വമോ ഇല്ല." ഇപ്രകാരം സാഹിത്യത്തെയും സാഹിത്യ വിമർശനത്തെയും ഉയർത്തുന്നതിൽ ഹരികുമാറിൻ്റെ ധിഷണാപരമായ ഇടപെടലുകൾ വലുതാണ്.
ഒരേയൊരു കോളമിസ്റ്റ്
ഹരികുമാർ എഴുത്തിൻ്റെ നാല്പത്തിയൊന്നാം
വർഷത്തിലേക്ക് കടക്കുകയാണ്. അതേസമയം, അക്ഷരജാലകം എന്ന കോളം ഇരുപത്തിമൂന്നു
വർഷം പിന്നിട്ടിരിക്കുകയാണ്. ഇതുപോലെ സ്ഥിരപ്രതിഷ്ഠ നേടിയ വേറൊരു
പംക്തിയില്ലല്ലോ.
ഈ ഓണപ്പതിപ്പിനു പിന്നിൽ ഹരികുമാറിൻ്റെ
രചനാജീവിതത്തിൻ്റെയും വിവിധ ചിന്താമണ്ഡലങ്ങളെ സംയോജിപ്പിച്ചു കൊണ്ടുള്ള
അദ്ദേഹത്തിൻ്റെ ആശയ പ്രപഞ്ചത്തെയും പരിചയപ്പെടുത്തുക എന്ന ഉദ്ദേശ്യമുണ്ട്.
മുൻപതിപ്പുകൾ പോലെ ഇതും വായനക്കാർക്ക് പ്രിയങ്കരമായിരിക്കുമെന്നു
ഉറപ്പുണ്ട്.
മലയാളത്തിൻ്റെ ഒരേയൊരു കോളമിസ്റ്റ് എന്ന നിലയിലും
സമകാലീന സാഹിത്യത്തിലെ മൗലികതയുള്ള പ്രധാന സാഹിത്യചിന്തകനെന്ന നിലയിലും ഈ
പതിപ്പ് പ്രസക്തമാവുകയാണ്.
ചിന്ത
എം.കെ. ഹരികുമാർ
ചിന്തിക്കുന്നവന്
എന്താണ് ചിന്തിച്ചതെന്ന് അറിയണം.
ചിന്തയാകട്ടെ
ചിന്തിച്ചവനെ അറിയാൻ ശ്രമിക്കുകയാണ്.
സ്നാനഘട്ടങ്ങളും
ക്ഷേത്രമുറ്റങ്ങളും
മന്ത്രവേദികളും കടന്ന്
ചിന്തിക്കുന്നവനും ചിന്തയും
പരസ്പരം കണ്ടുമുട്ടി ;
ആര് ആരെയാണ് തിരഞ്ഞതെന്ന്
അവർക്ക് മനസ്സിലായതേയില്ല .
തുമ്പി
എം.കെ. ഹരികുമാർ
പ്രൊഫസറുടെ
ശബ്ദം കേട്ടാണ്
തുമ്പി അവിടേക്ക് വന്നത്
കുട്ടികൾ നിരാശരായിരുന്നു.
അല്ല, അവൾ നിസ്സംഗരായിരുന്നു
പ്രൊഫസർ ,
ഉണ്ണായിവാര്യരെയൊക്കെ
നന്നായി അപനിർമ്മിച്ചു,
വിഘടിപ്പിച്ചു ,
വിപുലീകരിച്ചു.
സഹികെട്ടപ്പോൾ
തുമ്പി പറഞ്ഞുപോയി :
'എടോ, പ്രൊഫസറെ
അല്പമെങ്കിലും മനുഷ്യത്വം
കാണിക്കണം.
സൗന്ദര്യാത്മക, കാല്പനിക
മാനുഷിക ,മിസ്റ്റിക്
നോട്ടം വേണമെങ്കിൽ
എൻ്റെ ശരീരത്തിലേക്ക് നോക്ക് '!
ജലം എന്ന ചാവേർ
എം.കെ. ഹരികുമാർ
ജലം ഒരു ചാവേറാണ് ;
മരണത്തെ ഭയമില്ലാതെ
ഏതു യുദ്ധത്തിലേക്കും
ഒഴുകിയിറങ്ങും.
മരണവും സ്വപ്നവും ഒന്നാണെന്ന് തെളിയിക്കാൻ ജലാത്മകത മതി.
ജലാത്മകതയാണ്
അതിൻ്റെ മതം .
ജലം
ജലമെന്ന ദൈവശാസ്ത്രത്തിൻ്റെ
വാക്കും മനസ്സുമാണ്‌.
ജലത്തിൻ്റെ വേഗവും പോരാട്ടവും മറ്റൊരു ദൈവത്തിൻ്റേതാണ്, മതത്തിൻ്റേതാണ്.
ഒഴുക്ക് യാത്രയാണ് ,
മാറ്റമാണ് ,നിരാസമാണ്,
നിർമ്മാണമാണ് ,തിരോധാനമാണ്, ജനനമാണ്.
പക്ഷികൾ
എം.കെ. ഹരികുമാർ
നമ്മൾ ഒരു മഴക്കാലത്താണ്
കണ്ടത് .
കുടപിടിച്ച് മഴച്ചില്ലകളിൽ ചവിട്ടി
നമ്മൾ നടന്നു.
ആർത്തു പൂത്ത
മരങ്ങൾ താഴ്‌വരകളെ
പ്രഭാപൂരിതമാക്കി.
നമ്മളിപ്പോൾ വിവശരാണ്‌.
ഋതുക്കൾ ക്രമം തെറ്റാതെ
വന്നുപോയിരിക്കുന്നു.
എല്ലാം മുഖം മാറ്റി .
ഗ്രാമത്തിലെ തെരുവുകളിലോ,
കടകളിലെ ചാരുബെഞ്ചുകളിലോ
അമ്പലത്തിലേക്കുള്ള വഴിയിലോ
നഗരത്തിലേക്കുള്ള ബസുകളിലോ
പരിചയക്കാർ ആരുമില്ല.
മുഖം തരാത്തവർ,
മനസ്സു തരാത്തവർ.
വെയിലിനു പോലും പേര് നഷ്ടപ്പെട്ടിരിക്കുന്നു ,
ഊരും.
കാറ്റിന് പഴയ വാതിലുകളൊന്നും ഓർമ്മയില്ല.
നമ്മൾ വെറും
കാവ്യബിംബങ്ങൾ മാത്രം .
ഉയരമുള്ള ഒരു വൃക്ഷത്തിൽ നിന്ന് ഇരുവശത്തേക്കും
പറക്കുന്നവർ .
നമ്മൾ
എം.കെ. ഹരികുമാർ
ഒരിക്കൽ നമ്മൾ ഒന്നിച്ചിരുന്നു
ജ്യൂസ് കഴിച്ചു ,
സിനിമ കണ്ടു ,
ക്രിക്കറ്റ് കണ്ടു ,
യാത്ര പോയി .
എല്ലാം, ശ്രീകൃഷ്ണൻ പറഞ്ഞപോലെ,
മിഥ്യയായി .
ഇപ്പോൾ നമ്മൾ കണ്ടാൽ
നോക്കില്ല ,മിണ്ടില്ല .
പറയാൻ ഒന്നും തന്നെ അവശേഷിക്കുന്നില്ല.
എല്ലാം പറഞ്ഞതാണല്ലോ.
എവിടെയോ രണ്ട് നക്ഷത്രങ്ങളെ കാണാതായി.
നക്ഷത്രങ്ങൾ ഇല്ലാതായ
ഇടങ്ങളെല്ലാം
തമോഗർത്തങ്ങളാണ്.
പൂത്തോട്ട സഹോദരനയ്യപ്പൻ മെമ്മോറിയൽ കോളേജ് ഓഫ് എജ്യുക്കേഷൻ്റെ കോളജ് യൂണിയൻ്റെയും ആർട്സ് ക്ലബ്ബിൻ്റെയും ഉദ്ഘാടനം എം.കെ. ഹരികുമാർ നിർവഹിക്...
